سنگيتا بجلاڻي
سنگيتا بجلاڻي
سنگيتا بجلاڻي: بالي ووڊ جي نامور سنڌي اداڪاره ۽ اڳوڻي ماڊل سنگيتا بجلاڻي 9 جولاءِ 1960ع تي سنڌ جي تاريخي شهر سيوهڻ ۾ جنم ورتو. بعد ۾ سندس مائٽ ڀارت لڏي ويا. هن پنهنجي عملي زندگيءَ جي شروعات ماڊلنگ کان ڪئي. سنگيتا 1980ع ۾ حسن جو مقابلو کٽي ’مس انڊيا‘ جو خطاب حاصل ڪيو. مس انڊيا جو خطاب ماڻڻ کانپوءِ مشهور ٿي ۽ هن ڪمرشل ماڊلنگ به ڪئي. 1980ع ڌاري هن فلمي دنيا ۾ پير پاتو ۽ سڀ کان پهرين جي. پي دتا جي سپرهٽ فلم ’هٿيار‘ ۾ ڪم ڪيو. 1989ع ۾ هن فلم ’ترديو‘ ۾ ڪم ڪيو، جيڪا پڻ ڪافي مقبول ٿي. هن 1990ع ۾ مهيش ڀٽ جي فلم ’جرم‘ ۾ به اداڪاري ڪئي ۽ فلم فيئر سپورٽنگ ايڪٽريس جو اوارڊ حاصل ڪيو. هن انهن فلمن کانسواءِ ٻين به ڪافي فلمن ۾ پنهنجي اداڪاريءَ جا جوهر ڏيکاريا، جن ۾: عزت، يوگاندر، يوڌا، خون ڪا قرض ۽ وشنو ديوا فلم شامل آهن. سنگيتا فلمن ۾ ڪم ڪرڻ سان گڏوگڏ دور درشن ٽي. وي جي مقبول پروگرام ’رنگولي‘ ۽ زي ٽي. وي جي پروگرام ’چاندني‘ ۾ به ٽائيٽل رول ادا ڪندي رهي. سنگيتا مشهور هندستاني ڪرڪيٽر اظهرالدين سان شادي ڪرڻ کانپوءِ 1995ع ۾ فلمي دنيا کي ڇڏي ڏنو ۽ گهريلو زندگيءَ کي ٽائيم ڏئي رهي آهي.
لفظ سنگيتا بجلاڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1960.07.09 عيسوي
سنگيتا بجلاڻي 9 جولاءِ 1960ع تي سنڌ جي تاريخي شهر سيوهڻ ۾ جنم ورتو.
شخصيتون - ڀاڱي جون ٻِيون داخلائون
دليپ ڪوٺارِيبرڪت علي ڀٽ
زين نوراني
سوامي ڪيشوداس مهاراج
هيرو شيوڪاڻي پروفيسر
اعجاز سمون
عبدالغفار صابري
امداد عباس صوفي
بهاول خان عباسي4
ڀائي ڪلاچند